TÂL AELODAETH
Mae tâl aelodaeth UCAC, sydd yn gyfredol o Ionawr i Ragfyr, yn cymharu'n ffafriol iawn â thâl aelodaeth yr undebau eraill. Gellir talu'r tâl aelodaeth drwy siec (y tâl i gyrraedd cyn diwedd Mehefin) neu drwy ddebyd uniongyrchol.
Mae'r tâl aelodaeth yn cynnwys:
- cyngor a chymorth di-dâl ar faterion sy’n berthnasol i’ch gwaith;
- chwe chopi o gylchgrawn Yr Athro;
- copi o Flwyddlyfr UCAC;
- blwydd-ddalen UCAC;
- hawl i wasanaethau UCAC - y Cynllun Digolledu, y Gymhorthfa a chyngor ariannol
|
TELERAU AELODAETH 2010
|
£
|
|
Yn gweithio'n llawn amser
â blwyddyn neu fwy o wasanaeth
|
£12.50 y mis
(£150.00)
|
|
Yn gweithio'n rhan amser
(dros hanner amser)
|
£8.25 y mis
(£99.00)
|
|
Yn gweithio'n rhan amser
(hanner amser neu lai)
|
£6.75
(£81.00)
|
|
Y flwyddyn galendr gyntaf
neu hyfforddi yn y gweithle
|
£1.00 y mis
(£12.00)
|
Athrawon Dan Hyfforddiant ac Athrawon Newydd Gymhwyso
Nid oes tâl i athrawon dan hyfforddiant yn ystod eu cyfnod yn y coleg, nac i athrawon/darlithwyr sydd ar eu tymor cyntaf o addysgu wedi gadael y coleg.
Absenoldeb Mamolaeth
Mae gostyngiad yn y tâl aelodaeth i athrawesau sydd ar gyfnod o absenoldeb mamolaeth. Caiff unrhyw athrawes sydd yn talu ei thâl aelodaeth yn fisol o'r banc, haneru ei thaliadau misol yn ystod ei chyfnod o absenoldeb mamolaeth — beth bynnag yw hyd yr absenoldeb hwnnw. Cofiwch hysbysu'r Brif Swyddfa os ydych ar fin cymryd absenoldeb mamolaeth felly.