ADRAN ADDYSG BELLACH AC ADDYSG UWCH 

Aelodaeth yr Adran Addysg Bellach ac Addysg Uwch yw: y Llywydd Cenedlaethol neu'i ddirprwy, yr Ysgrifennydd Cyffredinol, y Swyddog Polisi (Ysgrifennydd yr Adran) a chwe aelod arall a etholir gan y Cyngor Cenedlaethol o blith aelodau’r Undeb. Mae un aelod yn cynrychioli'r Adran ar Gyngor Cenedlaethol UCAC.

Prif gyfrifoldebau'r Adran yw llunio papurau trafod a pholisïau i ystyriaeth y Cyngor a thrafod materion sydd yn berthnasol i ddarlithwyr yn y sector addysg bellach ac addysg uwch. Mae Ysgrifennydd yr Adran yn cynrychioli UCAC yng nghyfarfodydd fforwm i drafod cyflogau ac amodau gwaith darlithwyr addysg bellach.

Dosberthir cylchlythyr i aelodau UCAC sydd wedi eu cofnodi yn ddarlithwyr ar ôl pob cyfarfod o’r Adran.