Ar y 14 Ionawr, aeth dirprwyaeth o UCAC i gyfarfod gydag aelodau’r School Teachers’ Review Body (STRB) i drafod cylch gwaith y Panel ar gyfer 2009-2010. Eleni, mae’r Gweinidog Plant, Ysgolion a Theuluoedd, Ed Balls, wedi gofyn iddynt edrych yn benodol ar faterion yn ymwneud â thaliadau Anghenion Addysgol Arbennig (AAA) ac Anghenion Addysgol Ychwanegol (AAY), a’r berthynas rhwng rôl Dirprwy a Phennaeth Cynorthwyol, a’r posibilrwydd o ddatblygu criteria i’w diffinio.
 
Cyflwynwyd tystiolaeth ysgrifenedig gan UCAC ym mis Rhagfyr ac roedd y cyfarfod yn gyfle i aelodau’r panel holi cynrychiolwyr UCAC ymhellach am y materion hyn. Roedd yn gyfle i Elaine Edwards (Ysgrifennydd Cyffredinol), Dilwyn Roberts-Young (Is-ysgrifennydd Cyffredinol a Swyddog Maes y De), Eryl Owain (Swyddog Maes y Gogledd) a Dilwyn Ellis-Hughes (aelod o Gyngor Cenedlaethol UCAC ac aelod o’r Adran Gyflogau Pensiynau ac Amodau Gwaith) i fynegi safbwynt UCAC.

Mae copi o dystiolaeth ysgrifenedig UCAC ar gael yma (Tystiolaeth UCAC i'r STRB). Er mwyn darganfod mwy am waith yr STRB ac aelodau’r Panel ewch i wefan yr Office of Manpower and Economics www.ome.uk.com ac edrychwch dan Review Bodies.