Mae staff UCAC yn ehangu er mwyn gallu ychwanegu at y gwasnaethau y mae’n cynnig i’w aelodau. Byddwn yn ychwanegu ‘Swyddog Maes y De-Ddwyrain’ at y staff o’r flwyddyn nesaf ymlaen – datblygiad sy’n adlewyrchu’r twf mewn aelodaeth yn yr ardal.
Dyma fanylion y dwy swydd sy’n cael eu hysbysebu ar hyn o bryd:
SWYDDOG MAES Y DE DDWYRAIN
Cyfle cyffrous i berson ymroddgar a brwdfrydig i ymuno â thîm UCAC. Prif waith y Swyddog Maes fydd cynorthwyo a chynghori aelodau a’u cynrychioli mewn achosion, cynyddu aelodaeth a chodi proffil UCAC yn y siroedd ac yn y sector addysg bellach ac uwch. Darperir hyfforddiant perthnasol. Bydd gwybodaeth am fyd addysg a/neu faterion cyflogaeth yn fanteisiol.
· Cyflog: Pwynt 42-45 (£35,430-£38,042) ar Raddfa Gyflogau’r Awdurdodau Lleol
· Lleoliad: bydd disgwyl i’r ymgeisydd llwyddiannus fod yn bresennol yn swyddfa’r Undeb yn Aberystwyth am gyfran o’i h/amser; bydd teithio yn rhan hanfodol o’r swydd
· Dyddiad cychwyn: anelir at lenwi’r swydd erbyn 1 Ionawr 2013
DYDDIAD CAU: DYDD GWENER, 7 MEDI 2012
CYNORTHWYYDD I’R YSGRIFENNYDD CYFFREDINOL
Swydd ddiddorol ar gyfer person cydwybodol ac egnïol sydd yn awyddus i ddod yn aelod o dim UCAC. Bydd yr ymgeisydd llwyddiannus yn darparu gwasanaeth gweinyddol o safon uchel ac yn gyfrifol am drefnu cyfarfodydd amrywiol yr undeb.
Mae’r gallu i gyfathrebu’n effeithiol yn y Gymraeg - ar lafar ac yn ysgrifenedig yn hanfodol ar gyfer y swydd.
Bydd angen:
- sgiliau llythrennedd a rhifedd da
- sgiliau teipio
- y gallu i ddefnyddio rhaglenni cyfrifiadurol amrywiol, megis Word, Excel ac Outlook
Mae’r swydd, sydd wedi ei lleoli ym Mhrif Swyddfa UCAC yn Aberystwyth, yn un llawn amser, 9 tan 5 o’r gloch.
Cyflog Pwynt 25-28 ar Raddfa Gyflogau’r Awdurdodau Lleol.
DYDDIAD CAU: DYDD GWENER 8 MEHEFIN 2012