UCAC yn rhoi tystiolaeth i Bwyllgor y Senedd ar Covid-19
15 Ionawr 2021
Ar 14 Ionawr, bu Rebecca Williams, Is-ysgrifennydd Cyffredinol a Swyddog Polisi UCAC gerbron Pwyllgor Plant, Pobl Ifanc ac Addysg, Senedd Cymru i drafod effaith Covid-19 ar ysgolion.
Roedd y sesiwn arlein, gyda chynrychiolwyr o 7 undeb sy’n cynrychioli staff ysgolion, yn edrych ar:
- y tymor byr: tra bod ysgolion ar gau i’r rhan fwyaf o ddisgyblion
- y tymor canolig: ail-agor ysgolion
- y tymor canolig i hir: lles disgyblion a chynnydd academaidd
Cafwyd cyfle i drafod brechu’r gweithlu addysg, profi disgyblion am COVID-19 mewn ysgolion, awyru digonol, cyfarpar diogelu a phellter cymdeithasol, yn ogystal ag asesiadau yn lle arholiadau eleni.
Gallwch weld y sesiwn yma (am gyfnod penodol):
Bydd y cofnod ysgrifenedig ar gael cyn bo hir.